ގެއްލުނުހިތް
އުމުރުން އެންމެ 17 އަހަރުގައި ނިޔާޒު އޭނާގެ ލޯބީގެ ހަޔާތްފެށީވަރަށް އުފާވެރިކަމާއި ހިތްހަމަޖެހުމާއި އެކުގައެވެ. އާއިލާގެ އެންމެންގެ ރުހުމާއި ރަށްޓެހިންގެ ލޯތްބާާއިވެސް އެކުގައެވެ. ސާއިލާއާއި ނިޔާޒުވެސް އެކަކުއަނެއްކަކާ ނުލައި ނޫޅެވޭނެވަރަށް ވަނީ ލޯބިވެވިފައެވެ. އަބަދުވެސް އުންމީދުކުރަނީ އެ ދެމިހުންގެ ކައިވެނި ވެވޭނެ ދުވަހަކަށެވެ. ނަމަވެސް ވަރަށްކުއްލި ގޮތެއްގައި ނިޔާޒުގެ ބޭބެއެއް އޮޕަރޭޝަން ކުރުމަށްޓަކައި ބޮންބޭއަށް ފުރިއެވެ. ނިޔާޒުގެ ބޭބެގެ އޮޕަރޭޝަން ފުރަތަމަ ފަހަރު ކާމިޔާބުވިއެވެ. ނަމަވެސް ޓަކުޓަރުގެ އެދުމުގެ މަތިން ނިޔާޒުމެން 3 މަސްދުވަހަށް ބޮންބޭގައި މަޑުކުރިއެވެ.
ނިޔާޒުއާއި ސާއިލާ ވަނީ ކިތައްމެއްދުރުގައި ކަމުގައިވިޔަސް އެދެމީހުންގެ ސިޓީތަކުގެ ސަބަބުން ދެމީހުންވަނީ ކައިރިކޮށްދީފައެވެ. އެއްދުވަހަކު ނިޔާޒުއަށް ސާއިލާގެ ސިޓީއެއްލިބުނެވެ. ސާއިލާ މުތިތްމު ބޭނުމަކަށްޓަކައި އިރާގުގެވެރިރަށް ބަގުދާދަށް ފުރާވާހަކަ އާއި އެތާގައި އޭނާހުންނާނީ ޤާސިމްބިލްޑިންގގެ 12 ވަނަ ބުރީގެ 111 ނަންބަރު ކޮޓަރީގައިކަމުގައެވެ. އަދި ސާއިލާ މަހެއްހާދުވަހުގެ ތެރޭގައި އަންނާނެކަމާއި އޭނާއަށް އިންތިޒާރުކޮށް ދިނުމަށް އެދިފައިވެއެވެ.
ނިޔާޒު ބޮޑުބޭބެގޮވައިގެން ދިއްލީއަށް އެނބުރި އައީ ކިތައްމެއް ހިތްހަމަޖެހިގެން ކަމުގައިވިޔަސް އޭނާއަށް ސާއިލާއާއި ނުލައި އުޅުންވީ ވަރަށް އުނދަގޫކަމަކަށެވެ. ސާއިލާގެ ޚަބަރެއް އަދި ސިޓީ އެއްވެސް ނުލިބިގެން އުޅެނިކޮށް އެއްދުވަހަކު ވަރަށްބައިވަރު ސިޓީތަކެއްލިބުނެވެ. އޭގެ ސުޓޭންޕާއި އެޑްރެސް ފެނުމުގެ ކުރިން ނިޔާޒު ހީކުރީ އެއީ ސާއިލާ ނިޔާޒުއަށް ފޮނުވި ސިޓީތަކެއްކަމަށެވެ. ނަމަވެސް ކަންވީ އެހެނެއްނޫނެވެ.ކޮންމެ ސިޓީއެއްގައިވެސް ބަގުދާދުގެ ޕޯސްޓުއޮފީހުން ސާއިލާ އެ އެޑުރެހުގައި ނޫޅޭކަމަށް ލިޔެފައިއޮވެއެެވެ.
ދުވަސްތައް މާޒީއާއި އެކުވެގެންގޮސް މިހާރު 14 އަހަރުވެއްޖެއެވެ. ނިޔާޒު އޭނާގެ ގެއްލިފައިވާ ހިތް ހޯދުމަށް ދެތިންފަހަރެއްގެ މަތިން އިރާގައްވެސް ދިޔައެވެ. ނަމަވެސް އިރާގުގެ އެއްވެސް ރަށަކަށް ސާއިލާކިޔާކުއްޖަކު ނާންނަކަމަށް ކަމާބެހޭ އޮފީސްތަކުން ބުންޏެވެ. ނިޔާޒު ސާއިލާ ފެންނާނެ ކަމުގެ އުންމީދުގައި އަނެއްކާވެސް ދިއްލީއަށްއައީއެވެ.
